Роналдо најави крај на кариерата: „Ова веројатно е мојата последна година во фудбалот“

Кристијано Роналдо навести дека се приближува кон крајот на својата фудбалска кариера и дека веќе има испланирано што ќе прави кога ќе ги соблече копачките.

Договорот на португалската ѕвезда со саудискиот Ал Наср истекува во јуни следната година, а Роналдо не очекува да потпише нов. Тој призна дека по 25 години професионален фудбал сака да посвети повеќе време на семејството, патувањата и омилените активности.

— реклама —

„Имам целосно испланирана иднина. Имам толку многу работи што ќе ме преокупираат што тешко е да издвојам само една. Фудбалот може да остави голема празнина, па времето мора да се исполни на различни начини“, изјави Роналдо.

Тој додаде дека сака повеќе да патува, да ужива во паделот и да поминува време со семејството.

— реклама —

„По сè, зад мене се 25 години со многу одрекувања“, порача португалскиот фудбалер.

Роналдо неодамна дополнително ги засили шпекулациите за крај на кариерата откако изјави дека сезоната 2026/27 најверојатно ќе биде негова последна во професионалниот фудбал.

„Ова веројатно е мојата последна година во фудбалот и сакам зад себе да оставам спектакуларно наследство“, рече тој.

— реклама —

Во текот на кариерата, Роналдо постигна 976 гола, освои пет „Златни топки“ и пет трофеи во Лигата на шампионите. Сезоната 2026/27 е негова 25-та во професионалниот фудбал.

Минатата сезона постигна 28 првенствени голови и му помогна на Ал Наср да ја освои титулата шампион на Саудиска Арабија, прва за клубот во домашното првенство од 2019 година и прв голем трофеј на Роналдо откако пристигна во Ријад.

— реклама —

По свадбата со долгогодишната партнерка Георгина Родригез, Роналдо го пропушти првиот натпревар на Ал Наср во новата сезона. Неговиот тим без него го совлада Ал Фатех со 3:0.

Тренерот Анж Постекоглу потврди дека Роналдо би можел да настапи во вторник против Ал Дирија во Купот на кралот.