Русија и Кина застанаа зад Куба против САД

Русија и Кина порачаа дека ќе застанат зад Куба по одлуката на САД да подигнат обвинение против поранешниот кубански претседател Раул Кастро.

— реклама —

Американските власти го обвинуваат 94-годишниот Кастро за заговор за убиство на американски државјани во случај од 1996 година, кога беа соборени два цивилни авиони управувани од противници на кубанската власт. Во инцидентот загинаа четири лица, од кои тројца биле американски државјани.

— реклама —

Портпаролката на руското Министерство за надворешни работи, Марија Захарова, изјави дека Москва ќе продолжи активно да го поддржува „братскиот кубански народ“ и остро ги осуди, како што рече, обидите за заплашување, санкции и мешање во внатрешните работи на суверена држава.

Од кинеското Министерство за надворешни работи, портпаролот Гуо Џиакун порача дека Пекинг се противи на „злоупотреба на правните средства“ и на едностраните санкции без основа во меѓународното право.

— реклама —

„САД мора да престанат со санкциите и заканите кон Куба“, изјави Гуо, додавајќи дека Кина цврсто го поддржува кубанскиот суверенитет и се противи на странско мешање.

— реклама —

Обвинението против Раул Кастро доаѓа во период на зголемени тензии меѓу Вашингтон и Хавана, додека американското ембарго против Куба е во сила уште од 1962 година.