Русија ја продолжи забраната за извоз на дизел до јануари 2027 година

Владата на Руската Федерација соопшти дека ја продолжила забраната за извоз на дизел-гориво од страна на производителите до крајот на јануари 2027 година.

— реклама —

„Потпишан е декрет со кој се продолжува забраната за извоз на дизел-гориво, бродско гориво, како и гасни масла од Русија од страна на директните производители, до 31 јануари 2027 година, вклучително“, се наведува во соопштението.

Во соопштението се додава дека целта на одлуката е одржување на стабилноста на домашниот пазар на горива.

— реклама —

Заменик-премиерот Александар Новак изјави дека Владата работи на тоа од забраната во ноември да бидат изземени одделни добавувачи кои испорачуваат гориво на светскиот пазар.

— реклама —

На почетокот на октомври, Владата делумно ја укина забраната за извоз по договорот меѓу рускиот и американскиот претседател, Владимир Путин и Доналд Трамп, за испорака на руски дизел на светскиот пазар.

Се очекува првите танкери да пристигнат пред среднорочните избори во САД, на 3 ноември.

Новак процени дека испораките на руски дизел на светските пазари во ноември ќе достигнат 2,15 милиони тони, во споредба со 510.000 тони во октомври.