Русија предупреди дека евентуалното распоредување на американските ракетни системи „Тајфон“ (Typhon) на територијата на Јапонија претставува директна закана за нејзините граници на Далечниот Исток и најави дека ќе преземе соодветни контрамерки.
Заменик-министерот за надворешни работи на Русија, Андреј Руденко, изјави дека Москва внимателно ги следи напорите на Јапонија за проширување на воените активности.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
„Сметаме дека отстапувањето на јапонска територија за распоредување американски ракетни системи со среден и мал дострел, без разлика дали станува збор за привремено, ротационо или трајно распоредување, сериозно ја нарушува стабилноста и безбедноста во азиско-пацифичкиот регион и создава директна закана за руските граници на Далечниот Исток“, изјави Руденко.
Тој потсети дека Москва и претходно, преку дипломатски канали, ја предупредила јапонската страна за можните последици од ваквите одлуки и порача дека тие нема да останат без одговор.
„Во исто време ја зајакнуваме координацијата со нашите кинески партнери во прашањата поврзани со зачувувањето на мирот во азиско-пацифичкиот регион“, додаде Руденко.
