Русија предупредува на „можен директен судир“ со НАТО поради активностите во близина на Колскиот Полуостров

Рускиот амбасадор во Норвешка, Николај Корчунов, изјави дека зголемените активности на НАТО во близина на стратешки руски објекти на Колскиот Полуостров претставуваат ризик од директна воена конфронтација.

— реклама —

Во интервју за руската агенција ТАСС, дипломатот оцени дека приближувањето на воената инфраструктура и распоредувањето офанзивни системи на земјите членки на Алијансата кон руските граници ја засилува, како што рече, заканата по националната безбедност на Русија.

— реклама —

— реклама —

Корчунов нагласи дека „конфронтациските дејствија“ на НАТО во однос на рускиот стратешки потенцијал во арктичкиот регион ја поткопуваат регионалната и глобалната стабилност. Според него, ваквите потези го зголемуваат ризикот од ненамерна ескалација и сценарио што би можело да прерасне во директен судир.

— реклама —

Тој предупреди и дека можната ескалација би можела да има тешки последици за сите инволвирани страни, оценувајќи дека безбедносната ситуација на северот станува сè почувствителна поради зголеменото воено присуство и маневри во поширокиот арктички појас.