Русија возвраќа: Од 30 декември воведува визи за црногорските државјани

Русија од 30 декември 2026 година ќе воведе визи за државјаните на Црна Гора, соопшти руската амбасада во Подгорица. Одлуката доаѓа откако Црна Гора најави дека од 1 ноември ќе воведе визи за руските државјани, со што завршува досегашниот безвизен режим меѓу двете земји, пренесуваат „Вијести“.

Од руската амбасада порачаа дека доследно ќе го почитуваат договорот меѓу владите на Русија и Црна Гора за условите за меѓусебни патувања на државјаните. Договорот беше потпишан на 24 септември 2008 година и го регулираше безвизното патување меѓу двете држави.

— реклама —

Според објаснувањето на руската амбасада, Црна Гора официјално ја известила Русија за повлекувањето од договорот. Имајќи го предвид датумот на тоа известување, договорот престанува да важи на 30 декември оваа година.

„Од тој датум државјаните на Црна Гора ќе можат да влезат во Руската Федерација со визи за сите видови пасоши, во согласност со Федералниот закон бр. 114-ФЗ за постапката за излез од Руската Федерација и влез во Руската Федерација од 15 август 1996 година“, се наведува во соопштението на амбасадата.

— реклама —

Руската амбасада додаде дека граѓаните на Црна Гора дополнителни информации за постапката за добивање виза можат да најдат на нејзината официјална интернет-страница.

— реклама —

Според одлуката на црногорската влада, од недела, 1 ноември, за влез во Црна Гора визи ќе им бидат потребни на државјаните на Русија, Белорусија, Турција, Кина и Саудиска Арабија, освен доколку ги исполнуваат условите за ослободување од визна обврска.

Промената е дел од усогласувањето на црногорската визна политика со правилата на Европската Унија, што е една од обврските на Црна Гора во процесот на пристапување кон ЕУ.

Владата во Подгорица одлуката ја донесе во јули, а новите правила почнуваат да се применуваат од 1 ноември.

Нови правила за влез во Црна Гора од 1 ноември: Еве што треба да знаат македонските граѓани

Владата на Црна Гора на телефонска седница донесе нова уредба за визниот режим, со која се утврдуваат условите за влез, транзит и престој на странски државјани во земјата.Уредбата ќе почне да се применува од 1 ноември 2026 година, додека ќе стапи во сила ден по објавувањето во „Службен лист на Црна Гора“.Според текстот на уредбата, државјаните на голем број земји ќе можат да влегуваат во Црна Гора, да транзитираат низ нејзината територија и да престојуваат до 90 дена без виза, со важечка патна и

Свет | пред 3 дена