Русите развиваат нов борбен авион од шестата генерација

Русија има за цел да развие борбен авион од шестата генерација до 2050 година.

— реклама —

Оваа информација ја пренесе руската новинска агенција ТАСС, повикувајќи се на научниот директор на Државниот истражувачки институт за воздухопловни системи Евгениј Федосов.

— реклама —

„Во моментов размислуваме за концептот на авиони од шестата генерација, спроведуваме истражувања и разменуваме мислења со воени специјалисти“, рече Федосов.

— реклама —

Тој понатаму рече дека очекува ловецот да биде развиен до 2050 година, истакнувајќи дека дизајнот во голема мера ќе зависи од „какви ќе бидат вооружените конфликти во иднината“.

Федосов нагласи дека борбените авиони стануваат се покомплексни, а со тоа и потешки. Зголемувањето на тежината доведува до зголемување на трошоците.