Руски дрон удри во патнички воз на само два километри од границата со Полска

Руско беспилотно летало удрило во локомотивата на патнички воз во украинскиот регион Волин, на само два километри од границата со Полска. Според украинскиот државен железнички оператор „Укрзализница“, во нападот нема повредени или загинати лица.

— реклама —

Од компанијата соопштија дека опасноста била навреме забележана од тимот задолжен за следење на безбедносните закани во железничкиот сообраќај. Екипажот на возот бил предупреден, што овозможило да се преземат мерки за заштита на патниците и железничкиот персонал.

— реклама —

— реклама —

Од „Укрзализница“ наведуваат дека и понатаму ги следат воздушните закани и преземаат мерки за безбедно одвивање на железничкиот сообраќај.

Според достапните информации, навременото предупредување помогнало да се избегнат човечки жртви.