САД бараат од Иран целосен увид во нуклеарните резерви и постројки

Соединетите Американски Држави до Обединетите нации им доставија нацрт-резолуција со која од Иран се бара да обезбеди целосни информации за своите нуклеарни постројки и залихите на збогатен ураниум, како и да овозможи итен пристап за инспекторите на Меѓународната агенција за атомска енергија (МААЕ).

— реклама —

Според информациите објавени од агенцијата Ројтерс, која има увид во документот, во предлогот се наведува дека Иран треба да достави прецизни податоци за нуклеарниот материјал и за заштитените нуклеарни објекти во земјата.

— реклама —

Во резолуцијата се бара и Техеран без одлагање да ѝ овозможи на МААЕ пристап неопходен за проверка на сите доставени информации.

Во меѓувреме, заменик-министерот за надворешни работи на Иран, Казем Гарибабади, ја обвини МААЕ за политизација на надзорот врз иранската нуклеарна програма.

— реклама —

Тој оцени дека агенцијата не реагира соодветно на американските и израелските напади врз иранските нуклеарни објекти и го критикуваше генералниот директор на МААЕ, Рафаел Гроси, за неговиот пристап кон ова прашање.

Новата иницијатива на Вашингтон доаѓа во период на зголемени тензии околу иранската нуклеарна програма и засилени меѓународни напори за поголем надзор врз нуклеарните активности на Техеран.