САД ги повикуваат своите државјани веднаш да го напуштат Либан

Американската амбасада во Бејрут ги повика своите државјани „веднаш да го напуштат Либан додека комерцијалните опции сè уште се достапни“. Воедно издаде и предупредување против патување во таа земја.

— реклама —

Во соопштението се нагласува дека повикот особено се однесува на одредени делови од земјата.

— реклама —

Амбасадата на САД силно ги поттикнува американските државјани во јужен Либан, во близина на границата со Сирија, во бегалските населби и во квартот Дахие во Бејрут веднаш да ги напуштат тие подрачја“, се вели во соопштението.

— реклама —

За оние што ќе одлучат да останат, амбасадата советува да подготват резервни планови.

Американците кои ќе одлучат засега да не заминат треба да подготват планови за вонредни ситуации во случај на влошување на состојбата“, се заклучува во предупредувањето.