САД ја прекинаа кинеската хакерска операција: На мета биле НАСА, Сенатот и други институции

Американските власти соопштија дека прекинале кинеска хакерска операција преку која биле извршени упади во системите на Министерството за правда, НАСА, Федералните резерви, Сенатот и други владини институции.

— реклама —

Министерството за правда соопшти дека ги запленило домените користени од две хакерски платформи, „QScan“ и „QTRouter“, кои, според американските власти, биле дел од поширока сајбер-кампања.

— реклама —

Меѓу целите биле и Министерството за енергетика, Министерството за здравство, Националните институти за здравство, како и четири неименувани компании од САД и од Јужна Кореја.

Од американското Министерство за правда тврдат дека платформите ги управувала кинеската компанија Nanjing Xinjiuwei Network Technology, чии клиенти, според нив, биле кинеското Министерство за државна безбедност и кинеската армија.

— реклама —

Американските власти тврдат дека инфраструктурата била користена за напади врз клучни системи во САД и во други земји од најмалку 2018 година.

— реклама —

Кинеската амбасада во Вашингтон не дала веднаш коментар. Пекинг вообичаено ги отфрла обвинувањата дека стои зад хакерските напади.