САД нема да ги повлечат силите од Блискиот Исток додека не се постигне конечен договор со Иран

Соединетите Американски Држави ќе го задржат сегашниот воен распоред и нивото на подготвеност на своите сили на Блискиот Исток за време на техничките преговори со Иран, а намалувањето на военото присуство ќе следува дури по постигнувањето на конечен договор.

— реклама —

Ова го потврди висок претставник на американската администрација, кој посочи дека Вашингтон засега нема намера да ги повлече дополнително распоредените сили од регионот.

— реклама —

„Значително ги засиливме воените сили во регионот за да се подготвиме за операциите што започнаа во февруари. Се надеваме дека со текот на времето ќе ги повлечеме, но тоа сè уште не го правиме. Прво сакаме да видиме дали Иранците навистина ќе го исполнат она што го ветија“, изјавил претставникот пред новинарите.

Тој додаде дека рамката на договорот предвидува постепено намалување на американските воени капацитети дури по потпишувањето на конечниот договор, за кој администрацијата верува дека може успешно да биде постигнат.

— реклама —

Во текот на конфликтот на Блискиот Исток, САД одржуваа значително воено присуство во регионот и околните води, вклучувајќи два носачи на авиони и повеќе од десетина разурнувачи.

И покрај напредокот во разговорите со Техеран, Вашингтон очигледно останува претпазлив и не планира предвремено да ги намали своите одбранбени капацитети додека не добие гаранции дека Иран ќе ги почитува преземените обврски.