САД нудат 10 милиони долари за водач на проиранска милиција

Соединетите Американски Држави понудија награда до 10 милиони долари за информации што би довеле до идентификација или апсење на водачот на ирачката милиција Катаиб Сајид ал-Шухада, група која има поддршка од Иран. Американскиот Стејт департмент, преку програмата „Награди за правда“, го идентификуваше како Хашим Финијан Рахим ал-Сараџи и ја означи организацијата како терористичка, објави.

— реклама —

Во објава на социјалните мрежи се наведува дека припадници на оваа милиција биле вмешани во напади врз ирачки цивили, како и врз американски дипломатски претставништва, воени бази и персонал во Ирак и Сирија.

— реклама —

Овој чекор доаѓа во услови на засилени напади од мрежа на проирански вооружени групи низ Блискиот Исток, насочени кон американски, израелски и сојузнички цели. Во рамки на овој поширок и често прикриен конфликт, Ирак се наметнува како едно од клучните жаришта.

— реклама —

Овие милиции главно се регрутираат од шиитската заедница во Ирак и, според американските проценки, дејствуваат под влијание и координација на повисоки структури на иранската Револуционерна гарда.