САД објавија снимка од блокадата во Оманскиот Залив: Американска морнарица пресретнува бродови кон Иран

Американското воено заповедништво CENTCOM објави снимка од Омански Залив, на која се гледа како воен хеликоптер следи трговски брод во рамки на поморската блокада поврзана со Иран.

— реклама —

Покрај видеото, објавена е и аудио комуникација со бродот „Мали“, во која американски воен брод информира дека ќе го придружува до следното пристаниште и ќе остане на комуникација.

— реклама —

Од CENTCOM соопштија дека американската морнарица активно ги пренасочува трговските бродови кои пловат кон иранските пристаништа или излегуваат од нив, нагласувајќи дека операцијата ќе продолжи „колку што е потребно“.

Ова доаѓа откако Иран практично го затвори Ормутски теснец на почетокот на конфликтот со САД и Израел – една од најважните светски рути за транспорт на нафта.

— реклама —

Како одговор, САД воведоа сопствена поморска блокада на иранските пристаништа, со цел да го ограничат извозот на нафта и да извршат дополнителен притисок врз Техеран во услови на ескалација на конфликтот.

— реклама —