САД одобрија можна продажба на противвоздушна одбранбена опрема за Украина во вредност од 2,68 милијарди долари. Пакетот би опфаќал ракети, радари за откривање беспилотни летала и друга воена опрема, соопшти американскиот Стејт департмент.
Според соопштението, доколку продажбата биде реализирана, Украина ќе ја финансира набавката со комбинација од средства обезбедени од европските земји и средства од американската програма за странско воено финансирање, доделени за време на претходната администрација.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
Вкупната проценета вредност на договорот изнесува 2,68 милијарди долари, а планираната продажба допрва треба да помине низ дополнителна процедура.
Украина подолг период бара дополнителна воена помош за зајакнување на противвоздушната одбрана и заштита од руските напади. Во изминатите недели Русија продолжи со интензивни напади врз Киев.
Пред два дена, руските сили повторно го нападнаа украинскиот главен град со балистички ракети. Според тогашните информации, кон Киев биле истрелани околу шест пренаменети противбродски ракети „Циркон“, при што биле повредени најмалку 11 лица. Оштетени биле станбени и деловни објекти, како и магацин.
