САД привремено ги ублажија санкциите кон Иран, дозволена продажба на нафта во долари

Администрацијата на САД донесе одлука за привремено ублажување на санкциите кон Иран во период од 60 дена, со што на Техеран му се овозможува продажба на сурова нафта и петрохемиски производи во американски долари, првпат по неколку децении.

— реклама —

Според одлуката, вонредната лиценца ќе биде на сила до 21 август и ќе овозможи производство, продажба и испорака на иранска нафта, како и деблокирање на банкарските трансакции, осигурувањето и транспортот поврзани со извозот. Дополнително, се отвора можност и за директен увоз на иранска нафта во САД.

— реклама —

Американскиот министер за финансии, Скот Бесент, изјави дека за возврат Иран се согласил да го одржува отворен Ормускиот Теснец и да им овозможи на инспекторите на Меѓународната агенција за атомска енергија (ИАЕА) повторно да работат во земјата.

„Иран се согласи на инспекции за да се обезбеди нуклеарна транспарентност. Доколку не се придржува кон договорот, ќе постапиме соодветно“, изјави американскиот претседател Доналд Трамп.

— реклама —

Од друга страна, Техеран негира дека започнал нови преговори за својата нуклеарна програма и повтори дека не работи на развој на нуклеарно оружје.

— реклама —

Сепак, голем број земји, како и ИАЕА, остануваат скептични во врска со иранските тврдења. Иран претходно го суспендираше пристапот на инспекторите до објектите што беа цел на напади за време на 12-дневниот конфликт со Израел и САД во јуни минатата година, по што агенцијата ги повлече своите преостанати инспектори од земјата.