САД: Спречивме 136 бродови да поминат низ Ормускиот теснец

Американското централно заповедништво (ЦЕНТКОМ) соопшти дека американските сили во Ормускиот Теснец пренасочиле 136 бродови и онеспособиле уште девет, во рамки на спроведувањето на блокадата што Вашингтон ја воведе против Иран.

— реклама —

Во објава на социјалната мрежа Икс, ЦЕНТКОМ наведе дека воените бродови и воздушните сили на американската морнарица продолжуваат со патролирање во регионалните води.

— реклама —

„Воените бродови и воздушните сили на американската морнарица продолжуваат да патролираат во регионалните води, спроведувајќи ја блокадата против Иран“, се наведува во соопштението.

Ормускиот Теснец претставува една од најважните поморски рути во светот, преку која минува значителен дел од глобалната трговија со нафта и течен природен гас. Поради неговото стратешко значење, секоја ескалација во овој регион предизвикува загриженост на меѓународните пазари и кај светските сили.

— реклама —

Најавата на ЦЕНТКОМ доаѓа во период на зголемени тензии меѓу САД и Иран, но и паралелно со дипломатските напори за постигнување привремен договор меѓу двете земји. Засега не се објавени дополнителни детали за идентитетот на пренасочените и онеспособените бродови, ниту за околностите под кои биле преземени овие мерки.

— реклама —

Американските сили, според ЦЕНТКОМ, ќе продолжат со операциите во регионот со цел спроведување на донесените безбедносни одлуки и заштита на поморскиот сообраќај.