Американската војска денеска започна нов бран напади врз цели во Иран, соопшти Централната команда на САД (CENTCOM).
„Во 6:00 часот по источно американско време, силите на Централната команда на САД започнаа бран напади врз Иран“, се наведува во објавата на CENTCOM на платформата X.
Според американската војска, целта на операцијата е дополнително да се ослабат воените капацитети што Иран ги користи за напади врз комерцијални бродови во Ормутскиот Теснец.
Ирански функционер изјавил дека американските сили нападнале десетици цели низ земјата и повторно воспоставиле поморска блокада на иранските пристаништа.
