На денешната онлајн средба со регионалниот директор на Светската здравствена организација за Европа, д-р Ханс Клуге, изразив благодарност за континуираната поддршка на СЗО за унапредување на здравствената заштита во државата, како и поддршката од СЗО во заедничката подготовка на Патоказот со земјите од Западен Балкан, вели министерот за здравство Беким Сали.
- Нашата земја покажува значително подобрување на показателите за перинатална грижа, благодарение на поддршката од СЗО во последните неколку години – стапката на неонатална смртност се намали од 6,3 во 2019 година на 4,2 во 2020 година.
На состанокот стана збор и за планираните активности во насока на спречување на факторите за ризик за незаразни болести, примарна здравствена заштита, унапредување на мајчиното, како и перинаталното здравје и менталното здравје.
