Мохамед Салах би можел наскоро да направи еден од најпрофитабилните потези во продолжението од својата кариера, откако саудискиот Ал Хилал сериозно се вклучи во трката за потписот на египетската ѕвезда.
Според бразилскиот новинар Бруно Андраде, клубот од Ријад го означил Салах како апсолутен приоритет за засилување на нападот по завршувањето на Светското првенство.
Фактот што Салах е слободен играч значително ја олеснува работата на Ал Хилал, бидејќи нема да има потреба од преговори со друг клуб.
Според истите извори, саудискиот гигант подготвил тригодишен договор вреден 60 милиони евра, односно 20 милиони евра по сезона. Во договорот би можела да биде вклучена и опција за продолжување на соработката за уште една година, со што вкупната вредност би достигнала дури 80 милиони евра.
Андраде тврди дека Салах е „најголемата желба“ на Ал Хилал ова лето. Иако во клубот се разгледуваат и други звучни имиња, меѓу кои и Рафиња, Египќанецот во моментов е прв избор на раководството на саудискиот шампион.
Интересно е што пред две години Ал Хилал токму на Рафиња му давал приоритет и бил подготвен да му понуди уште побогат договор. Сепак, сега целосниот фокус е насочен кон Салах, а според Андраде, сè укажува на тоа дека токму египетскиот напаѓач ќе биде големото засилување на Ал Хилал.
Во меѓувреме, Ливерпул продолжува со потрагата по наследник на својот најдобар стрелец, а меѓу имињата кои се поврзуваат со клубот се наоѓа и Јан Диоманде.
