Саудиска Арабија тајно го нападнала Иран, изведени удари и во Ирак

Саудиски борбени авиони бомбардирале цели на проирански шиитски милиции во Ирак, додека од територијата на Кувајт биле изведени ракетни напади, објави Reuters, повикувајќи се на повеќе независни извори.

Според извештајот, нападите биле дел од поширок воен одговор во Заливот по израелско-американските удари врз Иран на 28 февруари.

— реклама —

Изворите наведуваат дека саудиските воздушни сили погодиле позиции на милиции поврзани со Техеран во близина на северната граница на кралството со Ирак.

— реклама —

Цел на нападите биле локации од кои биле изведувани напади со дронови и ракети врз Саудиска Арабија и други заливски држави.

Во еден од нападите во јужен Ирак, наводно бил уништен центар за комуникација и управување со дронови што го користела проиранската милиција Катаиб Хезболах.

— реклама —

Ројтерс наведува дека не е јасно дали ракетите од Кувајт биле истрелани од кувајтските сили или од американската војска, која има значително присуство во земјата.

— реклама —

Во меѓувреме, Саудиска Арабија соопшти дека се залага за деескалација и стабилност во регионот, но не ги коментираше директно нападите.

Според извештајот, за време на конфликтот биле изведени и директни саудиски удари врз иранска територија, а слични акции презеле и Обединетите Арапски Емирати.