СДСМ: Мицкоски продолжува да зборува, а граѓаните продолжуваат да плаќаат

Од СДСМ денеска реагираа на изјавата на премиерот Христијан Мицкоски дека постојат пазари и компании со повисоки маржи, но дека нивните имиња засега нема да бидат објавени.

— реклама —

Од опозициската партија оценуваат дека ова доаѓа по повеќемесечна, како што велат, пасивност на Владата во справувањето со ценовната криза.

— реклама —

Според СДСМ, Владата досега не организирала работни средби со трговските синџири и производителите за намалување на цените, ниту ги прифатила нивните предлози за замрзнување на маржите на основните прехранбени производи и за целна поддршка на најранливите категории граѓани.

Од партијата тврдат дека во меѓувреме се зголемиле цените на горивата и на основните прехранбени производи, поскапело ѓубривото за земјоделците, доцнат субвенциите, а средствата од ИПАРД, според нив, остануваат блокирани.

— реклама —

СДСМ бара Владата да ги објави компаниите за кои тврди дека остваруваат прекумерни профити, како и итно да преземе мерки за поддршка на земјоделците и на граѓаните со најниски приходи.

— реклама —

Од партијата порачаа дека, според нив, на граѓаните им се потребни конкретни резултати и мерки, а не нови најави.