СДСМ: Муцунски се фали со пари кои ги добија сите кандидати од ЕУ – прашањето е колку пари губиме?

СДСМ обвини дека Владата, предводена од Христијан Мицкоски, не ги спроведува потребните реформи за напредок кон Европската Унија, и покрај тоа што Европската комисија стави на располагање 65,7 милиони евра за земјава преку Планот за раст за Западен Балкан.

— реклама —

Од партијата посочуваат дека средствата ги добиле сите земји кандидати од регионот, освен Србија, за која тврдат дека со години ги блокира реформите и е во конфронтација со Европската Унија.

— реклама —

СДСМ оценува дека слична политика води и актуелната македонска власт, обвинувајќи дека не се усвоени законски измени во правосудството според европските препораки и дека институциите се партизирани.

— реклама —

Во реакцијата се споменува и министерот за надворешни работи Тимчо Муцунски, за кого од СДСМ велат дека неоправдано се фали со европските средства како доказ за успешни реформи.

— реклама —

Партијата повторно порача дека внесувањето на малцинствата во Уставот е клучен услов за продолжување на евроинтегративниот процес и побара исполнување на реформската агенда до 1 јуни – рок што, според нив, сам го поставил премиерот Мицкоски.