СДСМ: Скопје тоне во проблеми, Орце Ѓорѓиевски се занимава со билборди

СДСМ денеска упати критики до градоначалникот на Скопје, Орце Ѓорѓиевски, обвинувајќи дека главниот град се соочува со сериозни комунални и сообраќајни проблеми, додека локалната власт, според партијата, се занимава со промотивни кампањи наместо со нивно решавање.

— реклама —

Од СДСМ тврдат дека во Скопје не се собира отпадот, дивите депонии се преполни, а јавниот превоз е во лоша состојба. Според нив, наместо конкретни решенија, граѓаните добиваат рекламни билборди.

— реклама —

Во партиското соопштение се поставуваат прашања кој бил задолжен за изработката на, како што го нарекуваат, спорниот билборд, колку средства биле потрошени за неговата изработка и дали ќе има одговорност доколку е утврдено дека работата не била квалитетно извршена.

— реклама —

Од СДСМ обвинуваат дека градоначалникот не одговара на овие прашања и оценуваат дека наместо со решавање на проблемите на граѓаните, градската власт се занимава со трошење на јавни средства.

— реклама —

„Ова не е управување со град, туку управување со тендери и јавни пари, додека Скопје тоне во ѓубре, сообраќаен хаос и институционална немоќ“, наведуваат од СДСМ.