Орце

(Фото) Орце со мајстори влезе во Град Скопје, ги трга рампите откако ја испрати Данела

Денес во Град Скопје беше извршен чин на примопредавање на функцијата градоначалник, со што Орце Ѓорѓиевски и официјално ја презеде управата со главниот град.„Од денес, Скопје е слободен, отворен и достапен за сите! Испишуваме ново поглавје во историјата на нашиот град – поглавје исполнето со работа, посветеност и резултати“, порача Ѓорѓиевски.Тој истакна дека веднаш започнува реализацијата на ветувањата, најавувајќи голема акција за чистење на градот, која започнува вечерва во 20:30 часот и ќе трае 72 часа, со цел да се исчисти секој агол, улица и запуштен простор.„Скопјани повеќе нема да живеат во запуштеност, туку во град достоен за нив. Ги отстранивме рампите – Скопје повеќе нема да биде затворен град, туку отворен за медиумите и за сите граѓани“, нагласи градоначалникот.Ѓорѓиевски најави и целосна ревизија на работата на градската администрација, при што ќе следуваат одговорности за сите што ја злоупотребиле својата позиција.„Секој што се огрешил – ќе одговара, а секој чесен и вреден работник ќе биде награден и почитуван. Време е да ставиме ред, време е Скопје повторно да биде симбол на достоинство, ред и надеж“, порача Ѓорѓиевски, додавајќи дека Скопје може подобро – и тоа подобро го овозможуваме заедно.

Скопје | пред 1 месец

(Видео) Орце Ѓорѓиевски: „Додека градските власти спијат, ние го чистиме Скопје“

Кандидатот за градоначалник на Скопје од ВМРО-ДПМНЕ, Орце Ѓорѓиевски, утрово сподели порака на социјалните мрежи по повод Денот на македонската револуционерна борба, придружена со фотографии од акција за чистење на градот.„Добро утро Скопје, честит празник Македонијо! Додека градските власти спијат, ние од раните утрински часови го чистиме градот. Не смееме да дозволиме нефункционалноста на ЈП ‘Комунална хигиена’ да го загрози здравјето на народот“, напиша Ѓорѓиевски.Тој најави дека „за неколку дена, по преземањето на функцијата градоначалник, хаосот со отпадот ќе биде минато“, додавајќи дека граѓаните го имаат неговиот збор дека Скопје ќе биде исчистено и повторно достоинствено.Ѓорѓиевски им се заблагодари на општините Куманово, Кавадарци, Илинден, Зелениково и Сопиште, како и на општествено одговорните компании што помогнале во акцијата за расчистување на улиците на главниот град.

Скопје | пред 2 месеци

(Фото) Орце и Панче Тошковски на утринско пешачење низ Градскиот парк

Градоначалникот на Кисела Вода и кандидат за градоначалник на Скопје, Орце Ѓорѓиевски, го започна денот со утринско пешачење низ Градскиот парк, во придружба на министерот за внатрешни работи, Панче Тошковски.„Најубаво е денот да започне со утринско пешачење низ Градскиот парк, свеж воздух, мир и позитивна енергија. Секој чекор е здравје, секој здив е нова сила. Започни го денот со природа, а денот ќе ти врати со радост“, напиша Ѓорѓиевски во својата објава на социјалните мрежи.

Скопје | пред 4 месеци

(Видео) Кандидатот на ВМРО-ДПМНЕ, Ѓорѓиевски: Ќе го воскреснеме Скопје од сивилото

Време е Скопје да го вратиме на скопјани и да изградиме Град на кој сите ќе се гордееме, рече Орце Ѓорѓиевски, кандидат за градоначалник од ВМРО-ДПМНЕ за Град Скопје. Рече дека сообраќајниот хаос, но и прљавиот град ќе бидат први работи. Тој рече дека нема разлика помеѓу Данела Арсовска и Петре Шилегов.„Свесен сум во каква состојба е Скопје, во какво сивило живееме, но спремен сум по завршување на овие избори, да го воскреснам Скопје и конечно да стане град за достоинствен живот на сите сограѓани, без делби, ќе останам близок до сите граѓани. Не очекувајте од мене салонски политичар, покажав и овие изминати години дека не сум таков, дека сум меѓу граѓаните за да ги ислушам. Ја барам поддршката од сите скопјани, без разлика вера, нација, политичка припадност. Ги повикувам сите да се приклучат во оваа заедничка мисија“, рече Ѓорѓиевски.Тој рече дека почнуваат со креирање на програмата, детално ќе се разработува, дека ќе има рокови и колку ќе чини. Сѐ што ќе зацрта, тој рече дека ќе даде се од себе да биде реализирано.

Скопје | пред 5 месеци

Ѓорѓиевски: Кисела Вода ја направивме да биде пример за тоа како треба да изгледа една општина

Орце Ѓорѓиевски, градоначалник на општина Кисела Вода, во своето гостување „ВМРО-ДПМНЕ зборува со вашиот градоначалник“ најпрво зборуваше каква општина наследил каде се осврна на огромниот финансиски дефицит, лоша патна инфраструктура, лоши услови во училиштата и немањето место каде младите може да спортуваат.-Малку се зборува за тоа што наследивме како општината бидејќи морам да истакнам дека нивото на општината е сериозно подигнато од моментот кога ја преземавме со администрирање. Она што го наследивме првенствено беше огромен финансиски дефицит, над три и пол милиони евра долгови во општината, целата патна инфраструктура беше во катастрофална лоша состојба во било која од населбите на општината, над четиристотини деца беа на листата на чекање во градинките, училиштата беа во катастрофални лоши услови. И нешто што многу често го говорев во тоа време речиси и да немаше место каде младите може да спортуваат во минатото, салите кои што беа останати беа во катастрофално лоша состојба. Исто така во Кисела Вода немаше ниту еден парк каде што можат од најмладите до највозрасните да го поминат своето слободно време. Горд сум на она кое што го постигнавме изминативе, повеќе од три и пол години откога ја водам Кисела Вода. Успеавме од една општина на маргините која што беше во минатото да бидеме денес пример и да се зборува за нас во суперлатив, потенцираше градоначалникот Ѓорѓиевски.Градоначалникот Ѓорѓиевски во текот на своето гостување акцент стави на спортската сала Расадник кој претставува еден од неговите позначајните проекти.-Ако зборуваме за еден од подрагите проекти кој што го одбележал моето време од четири години, би го споменал и бисерот на Кисела Вода, тоа е салата Расадник која што е во напредна фаза, каде што има интензивни градежни активности која што до крајот на мојот мандат треба да служи за место каде што ќе се врати ракометниот клуб Вардар, каде практично е нивниот дом односно ракометниот клуб „Вардар“ своите почетоци ги има започнато токму во салата Расадник, кажа тој.Градоначалникот Ѓорѓиевски се осврна и на неговите приоритети во изборната кампања кои веќе се реализирани меѓу кои најважна е подземната инфраструктура.-Суштински, за мене најважно беше да ја завршиме подземната инфраструктура. Тоа се проблеми кои беа наследени каде не се посветило многу внимание и граѓаните ги немаа основните хумани услови. Тоа го ветив во предизборието и практично со населбата Стаклара во моментот завршуваме со последното населено место кое што треба да биде покриено со подземна инсталација, таму фекалната канализација ја завршивме. Сега благодарение на Владата, благодарение на Министерството за животна средина потпишан е договорот за водоводната мрежа и со тоа практично го завршуваме циклусот на подземната инфраструктура односно инвестирање под земја. Изминативе три и пол години вложивме огромни средства на тоа поле, укажа тој.На крај градоначалникот Ѓорѓиевски се насочи на тоа што може да очекуваат граѓаните до крајот на неговиот мандат каде наброи дел од проектите и тоа:-Првенствено нема да има населено место со несредена патна инфраструктура, тоа е важно. Кога веќе подземната инфраструктура ја завршивме, патната инфраструктура треба да е довршена и тоа ќе биде еден од проектите кои ќе ги дореализираме до крајот на мојот мандат. Имаме неколку отпочнати проекти за градинките кои треба да ги довршиме во наредниот период. Градиме ново ултра модерно училиште во Драчево, по сите стандарди. Дополнително ги прошируваме и започнавме со градежни активности ОУ „Кирил Пејчиновиќ“. За многу скоро започнуваме и со проширување на „Невена Ѓорѓиева Дуња“. Спроведовме проект на фотоволтаици на сите училишта во Кисела Вода, а сега сме во фаза на примпрема за сите градинки да добијат фотоволтаици. За прв пат откако сум јас градоначалник, за социјално-ранливите категории, еднородителските семејства и сите талентирани ученици но и спортисти ги испраќаме на камп, тоа го финансира општината, односно помагаме да го искористат летниот распуст за одмор, дополни тој.

Скопје | пред 6 месеци

Започнува тримесечна акција за бесплатно собирање на кабаст и електронски отпад во Кисела Вода

Започнува тримесечна акција за бесплатно собирање на кабаст и електронски отпад во Кисела Вода, вели градоначалникот на општината, Орце Ѓорѓиевски и додава:„Од денес, започнува голема акција за бесплатно собирање на кабаст и електронски отпад, која ќе трае три месеци, заклучно со 20-ти април. Истата се реализира во соработка со Министерството за животна средина, како дел од акцискиот план на Владата на Република Македонија за почист воздух. Акцијата ќе се одвива во текот на месеците февруари, март и април, во периодот од 15-ти до 20-ти во секој од овие месеци. За граѓаните ќе бидат обезбедени по две локации во секоја населба и населено место, каде што ќе можат да го изложат својот кабаст отпад, шут и електронски отпад. Жителите на општината можат да се ослободат од стариот мебел, апарати, градежен шут, неисправни електронски уреди како фрижидери, телевизори, компјутери, клими, замрзнувачи и други отпадни предмети. Електронскиот отпад ќе биде соодветно третиран од страна на социјалното претпријатие РЕДИ Рециклажа кое е лиценцирано за управување со неопасен отпад, што ќе овозможи негова еколошки одговорна обработка и спречување на штетни последици по животната средина. Собраниот електронски отпад безбедно ќе биде транспортиран во ,,Екоцентар97” на третман и понатаму на рециклирање“, вели Ѓорѓиевски и додава:„Ги повикувам сите граѓани да ја искористат оваа можност и бесплатно да го одложат својот кабаст и електронски отпад на соодветните локации и во предвидените денови. Со оваа акција спречуваме создавање на диви депонии и го заштитуваме здравјето на жителите, бидејќи со неа обезбедуваме и безбедно складирање и транспортирање на отпадот, без ризик за животната средина и здравјето на луѓето. Истовремено, инспекциските служби ќе вршат редовни контроли и ќе го санкционираат секој што нема да го почитува предвидениот начин на одложување отпад! Дополнително, покрај оваа акција која ќе ја спроведеме заедно со Министерството за животна средина, како дел од акцискиот план на Владата за почист воздух, ние како локална самоуправа интензивно работиме на генерално чистење од комунален отпад на сите 15 населби и населени места во општината. Досега се собрани 25 тони отпад, а акцијата ќе продолжи се додека не бидат опфатени сите местни и урбани заедници.🗺️ Локациите каде што ќе се изложува кабастиот отпад од 15-20 февруари се следните:▪️УЗ Пржино - ул. Милан Мијалковиќ (зад УЗ Пржино) и ул. Мариовска (покрај стовариштето на Треска)▪️УЗ Црниче – Ул. Наум Охридски (пред УЗ Црниче) и ул. Ениџе Вардарска (наспроти кладилница Копачка)▪️УЗ 11-ти Октомври згради – Ул. Пушкинова бр. 4 и ул. Михаил Чаков спроти УЗ 11 Окт. – згради▪️УЗ 11-ти Октомври бараки – Зад Космофон во делот покрај детско игралиште и Ул. Лазар Димитров кон Трим Патека на вториот влез▪️УЗ Кисела Вода – ул. Христо Татарчев бр.72 (кај амбулантата) и ул. 14 Декември (кај подземните контејнери)▪️УЗ Расадник – ул. 1511 (наспроти Кватро Кафе) и пред сала Расадник зад паркот за миленици▪️УЗ Цветан Димов – ул. Емил Зола бр. 7 и ул. Георги Димитров зад економското училиште▪️УЗ Бирарија – Ул. Томе Арсовски наспроти парк Бирарија и ул. Фредерик Шопен зад училиштето Кузман Ј. Питу🔹МЗ Пинтија – ул. Јабланица (на местото Славија веднаш до МЗ Пинтија) и ул. 1513 под делот на детска градинка🔹МЗ Усје – Паркингот пред МЗ Усје и на влез во УСЈЕ (десно до оградата на Цементара-Усје)🔹МЗ Припор – Ул. Христо Татарчев крак 14/159 и Под објектот на МЗ Припор🔹МЗ Подстаница – Ул. Сердарот бр.115 (кај фудбалско игралиште) и Ул. Сердарот бб (пред МЗ Подстаница)🔹МЗ село Драчево – ул. Китка (слободниот простор покрај гимназијата) и ул. Драчевска бр. 92 (пред стара пошта)▪️УЗ Бобан Трпков – нас. Драчево – ул. Бранко Заревски (зад УЗ Населба Драчево) и ул. Бранко Заревски бр. 17 (стакларска зграда)🔹МЗ Стаклара – ул. 1519 (делот кај трансформаторот спроти продавницата) и ул. 1520 (кај ширината пред почетокот на куќите).

Македонија | пред 10 месеци

Ѓорѓиевски: Средствата од Владата наменети за општините мора да се реализираат, проектите се од интерес за граѓаните

На синоќешната дебатна емисија „24 анализа“ на ТВ 24, градоначалникот на Кисела Вода, Орце Ѓорѓиевски го изнесе својот став околу новиот повик од Владата за општините, во кој се предвидуваат 250 милиони евра за капитални проекти со кој ќе се олесни животот на граѓаните.„288 проекти за 78 општини, беа спроведени преку повикот. За разлика од многупати во минатото, ова беа исклучително капитални проекти за подобрување на условите на нашите сограѓани во сите општини во нашата држава. За жал две општини само не добија на минатиот повик, не по вина на Владата, туку по нивна вина средства. Во рамки на истото, минатата недела имавме седница на управниот одбор на ЗЕЛС, пративме допис до сите градоначалници, наши колеги, но и јас јавно повикував, доколку некој има потреба да помогнеме околу документација“, истакна Ѓорѓиевски и додаде дека многу проекти ќе бидат решени во интерес на граѓаните со овие капитални проекти.Градоначалникот на Општина Кисела Вода, напомена дека може да дојде до одредени пролонгирања на проектите, од објективни причини, меѓутоа проектите мора да се завршат бидејќи како што тој напомена, парите се веќе обезбедени за истите.„Штом Владата, односно ресорното министерство, потпишало договор со општината, тие средства мора да се реализираат и тој проект мора да се реализира. Дали динамиката ќе биде наместо 3 месеци, да биде 6 месеци, година дена или две години, штом е потпишан договорот нема назад од тоа. Мене ми е многу драго што сите имаат потпишано договори“, изјави Ѓорѓиевски.

Скопје | пред 10 месеци

На опожарени места во Кисела Вода градење нема да има, дециден е Ѓорѓиевски

Градоначалникот на Кисела Вода, Орце Ѓорѓиевски, дециден е дека на опожарените места во Расадник, нема да има градење. Тој се заблагодари за интервенциите од сите кои учествувале во гаснењето. За полицијата посочи дека имала брза и професионална разрешница.“Почитувани припадници на МВР, почитуван министер Панче Тошковски, дозволете ми да ја изразам мојата благодарност за брзата, професионална и експедитивна разрешница на случајот со подметнатиот пожар во Расадник, Кисела Вода. За жал, нечија детска игра може да донесе сериозни последици, како што беше случај кај нас пред 3 дена. Имено, се работи за тројца малолетници кои на територијата на Расадник, фрлале пиротехнички средства кои претходно ги запалиле со запалка, по што се запалила сувата трева. Пожарот брзо се рашири и изгореа над три хектари површина!”, објави ЃорѓиевскиТој упати апел до родителите.“Против 14 годишниот поднесена е кривична пријава за ,,предизвикување општа опасност”, казниво по член 288 од Кривичниот законик. Благодарение на противпожарните екипи и брзата реакција, за што сакам и нив да им изразам длабока почит, МВР, населението и службите на општината спречивме катастрофални последици со кои можеше да биде трагично по животот на мојот народ, како и нивниот имот. Дозволете ми да апелирам и до родителите да внимаваат на своите деца, особено во вакви периоди на пожари. Детската игра може да биде фатална. Сите ние сме родители и сите сакаме најдобро за нашите дечиња, затоа треба и така да се однесуваме”, смета Ѓорѓиевски.Градоначалникот е дециден - на опожарените места нема да има градење.“А сега, откако се крена маглата кои некои сакаа да ја наметнат, особено оние кои планира 99 згради во Расадник според ДУП-от кој јас го поништив, уште еднаш сакам да потенцирам дека на опожарени места во Кисела Вода - НЕМА ДА ИМА ГРАДЕЊЕ! Уште еднаш, благодарам и поклон до земја за МВР, ЦУК, Противпожарната бригада и мојот храбар народ”, посочува Ѓорѓиевски.

Скопје | пред 1 година