СДСМ: Со паузи власта ги спречи опозициските пратенички прашања

СДСМ ја обвини власта дека со барање паузи и, како што наведува партијата, прекршување на собранискиот Деловник ја оневозможила седницата за опозициски пратенички прашања.

— реклама —

Од партијата велат дека со барањето едночасовни паузи од страна на опозицијата и пратеникот од ЗНАМ, како и со одлуката на претседателот на Собранието, Африм Гаши, паузите да се пресметаат во предвидените два часа, практично било потрошено целото време за прашања. Поради тоа, на седницата не било поставено ниту едно прашање.

— реклама —

— реклама —

Од СДСМ тврдат дека власта се обидува да избегне соочување со прашањата и ја поврзуваат ситуацијата со неодамнешната надзорна расправа за Алта банка. Партијата повторно упати обвинувања кон премиерот Христијан Мицкоски и претседателот на Советот на Народната банка, Трајко Славески, во врска со работењето на банката и нејзиното влегување на македонскиот пазар.

— реклама —

„Бегање од вистината нема, таа ќе исплива на површина, а потоа следува и одговорност“, порачуваат од СДСМ.