СДСМ: Светска банка му ја избриша таблата на Мицкоски, не сме трета економија туку една третина од Европа

СДСМ преку соопштение реагира на најновиот извештај на Светска банка „Македонија: излез од стапицата на среден доход“, тврдејќи дека неговите наоди не се совпаѓаат со економските тврдења што ги изнесува Владата.

Од СДСМ велат дека според извештајот, Македонија со години останува во истата доходовна категорија, додека БДП по жител е околу една третина од просекот на Европската Унија.

— реклама —

Партијата посочува и дека новите работни места се создаваат главно во сектори со ниска продуктивност и ниски плати, а бројот на граѓани во дијаспората, според нив, надминува половина милион.

Од СДСМ ги критикуваат и тврдењата за економски раст и пензиите, оценувајќи дека „бајката за трета економија во Европа“ и тврдењата за најбрз раст не одговараат на реалната состојба.

— реклама —

Во реакцијата СДСМ се осврнува и на прашањето за идентитетот, наведувајќи дека македонскиот јазик и културата се заштитени. Од партијата го посочуваат и Преспанскиот договор, како и ставовите на претседателката Гордана Сиљановска-Давкова, тврдејќи дека заштитата на идентитетот била обезбедена од претходната влада.

— реклама —

СДСМ воедно обвинува дека Владата се соочува со недостиг во буџетот од една милијарда евра и дека се потпишани нови задолжувања од 1,3 милијарди евра. Партијата тврди дека во период од две години граѓаните биле задолжени за дополнителни четири милијарди евра.

Во реакцијата се упатуваат критики и за односите со Европската Унија и Бугарија, при што СДСМ ја обвинува Владата за дефокусирање од економските прашања и за создавање теми кои, според партијата, треба да ги одвлечат граѓаните од економските проблеми.

— реклама —

СДСМ ја критикува Владата и за односот кон европските интеграции, како и за прашањата поврзани со европското обвинителство и Лаура Ковеши.

Од партијата на крајот повторно упатуваат критики за трошењето на буџетските средства и бараат Владата да им „положи сметка“ на граѓаните за користењето на јавните средства и за заштитата на нивните интереси.