СДСМ: Уште нема официјален документ за водата во Гостивар, а еве ги Маврово и Крушево

СДСМ обвини дека сè уште не е објавен официјален документ со потпишани анализи за квалитетот на водата во Гостивар и побара од надлежните институции да ја информираат јавноста со целосна документација.

— реклама —

Од партијата прашуваат кој институт ги извршил анализите, кој го потпишал извештајот и кои параметри биле испитувани.

— реклама —

Во соопштението СДСМ се осврнува и на состојбата со водоснабдувањето во Маврово и Крушево, наведувајќи дека во Маврово водата привремено не е за пиење поради превентивно чистење на водоводната мрежа, додека во Крушево, како што тврдат, водата била заматена и микробиолошки неисправна поради прекин на електричната енергија на уредот за хлорирање.

— реклама —

Партијата оценува дека граѓаните очекуваат официјални анализи со потпис и печат за состојбата со водата и повикува надлежните да ја преземат одговорноста и транспарентно да ја информираат јавноста.

Од надлежните институции засега нема реакција на овие наводи.