„Сè ќе заврши многу лошо“ – Трамп со предупредување до Зеленски ако не сака да ја заврши војната

Американскиот претседател Доналд Трамп ја повика Украина да постигне договор со Русија за завршување на војната, предупредувајќи дека последиците би можеле да бидат сериозни доколку Володимир Зеленски не се согласи на нејзино завршување.

— реклама —

„Зеленски мора да сака да ја заврши оваа војна, а доколку тоа не е случај, сè ќе заврши многу лошо“, изјави Трамп пред новинарите во Овалната соба.

— реклама —

Во меѓувреме, специјалниот претставник на Трамп, Стив Виткоф, вчера престојувал во Осло, каде што разговарал со украинскиот претседател во обид да се најде решение за четиригодишната војна.

— реклама —

Трамп оцени дека Русија има предност на фронтот, посочувајќи дека нејзината големина ѝ овозможува постојано да напредува.

„Русија е голема машина — тие едноставно продолжуваат да напредуваат и тоа е она што го прават. Зазедоа многу голем дел од територијата“, рече американскиот претседател.