Сѐ уште се утврдуваат причините за пожарот и настатата штета, но речиси е сигурно дека целосната документација за работењето на претпријатието е изгорена во пожарот, велат од Левица.
„Не можеме а да не се посомневаме во намера, затоа што пожарот во ЈП „Улици и патишта“ се случува само неколку недели откако Советот на Град Скопје не ги усвои извешаите за финансиското работење на Јавните претпријатија на Градот Скопје, меѓу кои и на ЈП „Улици и патишта“, и откако советниците на ЛЕВИЦА во Советот на Град Скопје поднесоа барање за ревизија во неколку од јавните претпријатија под ингеренции на градот.
Дали се работи за криење на докази за криминални дејствија или се работи за расчистување на теренот за никнување на нова зграда на оваа атрактивна локација, или пак се работи за несреќен случај, одговри ќе треба да дадат МВР и Јавното обвинитество.
Апелираме надлежните институции стручно, совесно и брзо да ја спроведат истрагата и да превземат соодветни мерки за расчистување на случајот и за утврдување на вината за настанатиот пожар“, се вели во соопштението.
