Се менува времето, ова е прогнозата за денес и наредните денови

Под влијание на влажна и постудена воздушна маса, времето ќе биде облачно со врнежи од дожд, кои наместа ќе бидат пообилни и ќе достигнат од 15 до 20 литри на метар квадратен. Со продорот на постуден воздух од север, врнежите на планините ќе преминуваат во снег.

— реклама —

Ќе дува умерен до засилен ветер од северен правец, кој повремено ќе надминува 60 километри на час. Минималната температура ќе се движи од 5 до 10 степени, додека максималната ќе достигне од 10 до 18 степени.

— реклама —

Во Скопје ќе преовладува облачно време со повремени врнежи од дожд. Ќе дува умерен до засилен северен ветер. Минималната температура ќе се спушти до 9 степени, а максималната ќе достигне до 13 степени.

— реклама —

Во наредните денови, од петок до крајот на неделата, времето ќе биде променливо облачно и нестабилно со повремени врнежи од дожд. Ќе продолжи да дува умерен до засилен ветер од северен правец, а температурите ќе бидат во опаѓање.

Утринските температури на одделни места ќе се спуштат и под нула степени. Од понеделник се очекува стабилизирање на времето и постепен пораст на дневната температура.