Се поставуваат нови семафори, во недела пренасочување на сообраќајот кај „Скупи“

Во недела (15 ноември), со почеток во 08:00 часот, ќе започнат активности за демонтажа на постојната семафорска опрема на крстосницата меѓу улиците „Скупи“ и „Љубљанска“ во Скопје, поради воведување нови светлосни сигнали.

— реклама —

Од ЈП „Улици и патишта“ информираат дека ќе бидат демонтирани семафорските портални и обични столбови, како и постојната опрема, согласно одобрениот сообраќаен проект за промена на режимот на сообраќај.

— реклама —

— реклама —

За време на изведувањето на работите, сообраќајот на крстосницата ќе биде целосно затворен и пренасочен по околната улична мрежа. Привремениот режим ќе важи до завршувањето на активностите, а сообраќајот ќе се регулира со соодветна сигнализација и присуство на екипи на ЈП „Улици и патишта“.

— реклама —

Од претпријатието апелираат до возачите да бидат трпеливи, да ги приспособат движењето и брзината на новонастанатите услови и да ја почитуваат поставената сообраќајна сигнализација.