Се претставувале како електричари и ограбувале домови: Четворица уапсени во Грција

Четири лица се уапсени под сомнение дека се претставувале како вработени во електродистрибутивна компанија и ограбувале и измамувале жители во Грција, при што се стекнале со плен вреден над 227.000 евра, објави Екатимерини.

— реклама —

Осомничените, на возраст од 20 до 39 години, управувале со лажен телефонски центар во Западна Грција, користејќи нерегистрирани телефонски броеви.

— реклама —

— реклама —

Тие им се јавувале на жртвите и ги убедувале дека во нивните домови има проблем со електричната инсталација. Им давале инструкции да ги остават парите и накитот во една просторија, а потоа да се префрлат во друга. Во меѓувреме, нивни соучесници влегувале во домовите и ги краделе вредните предмети.

Полицијата досега расчистила еден случај на разбојништво и 15 кражби.