Се разгледува примирје меѓу Израел и Либан

Израелската влада вечерва ќе расправа за можноста за примирје во Либан, изјави висок израелски функционер. Премиерот Бенјамин Нетанјаху ќе присуствува на состанокот на безбедносниот кабинет кој започнува во 20 часот по локално време.

— реклама —

Истовремено, двајца високи либански функционери за Ројтерс изјавиле дека се запознаени со напорите за постигнување договор за примирје. Според нив, евентуалното примирје во Либан би можело да биде поврзано со тековниот двонеделен договор за примирје меѓу САД и Иран.

— реклама —

Информацијата доаѓа по вчерашните разговори меѓу израелски и либански дипломати во Вашингтон, што претставува прва таква средба од 1993 година.

— реклама —

Израелскиот амбасадор во САД, Јехиел Лајтер, по состанокот изјави дека разговорите биле „победа на разумот, одговорноста и мирот“, додека либанската амбасадорка Нада Хамаде Муавад ги оцени како „конструктивни“.

— реклама —

Судирите во Либан меѓу Израел и Хезболах, група поддржана од Иран, траат од 2 март.