(Видео) Се судрија два хеликоптера што гаснеа пожар во Грција

Два хеликоптера што учествувале во гаснењето на големиот пожар западно од Атина се судриле за време на интервенцијата, соопшти грчката Противпожарна служба.

— реклама —

„За време на операцијата за гаснење пожар во областа Псата, два хеликоптера кои учествуваа во акцијата се судрија. Веднаш беа мобилизирани спасувачки екипи и во тек е операција за пребарување и спасување на екипажите“, се наведува во соопштението.

View this post on Instagram

— реклама —

Екипажот од еден од хеликоптерите, составен од двајца пилоти, е пронајден. Според првичните информации, тие биле свесни и можеле да комуницираат веднаш по несреќата. Со возило на Итната помош се пренесени во Општата воздухопловна болница во Атина.

— реклама —

Засега нема информации за нивната здравствена состојба, ниту за судбината на екипажот од вториот хеликоптер.

Двата хеликоптера полетале од воздухопловната база Елефсина.