Шеснаесетгодишник се здобил со тешки телесни повреди во сообраќајна несреќа меѓу автомобил и мотоцикл на локалниот пат меѓу тетовските села Горно Седларце и Синичане.
Несреќата се случила вчера околу 15:22 часот, меѓу автомобил „мерцедес“, управуван од М.И.(54), и мотоцикл „јамаха“, управуван од Л.И.(20), двајцата од Горно Седларце.
Тешко бил повреден 16-годишниот сопатник на мотоциклот, додека мотоциклистот се здобил со телесни повреди.
Повредите биле констатирани во Клиничката болница во Тетово и од екипа на Итната медицинска помош. Увид извршила екипа на СВР Тетово.
