Се урна воен авион во Унгарија, пилотот успеал да се катапултира

Во близина на Солнок, во централниот дел на Унгарија, се урнал воен авион „Грипен“ на унгарските вооружени сили. Пилотот навреме се катапултирал и, според првичните информации, нема повредени.

— реклама —

Унгарскиот премиер Петер Маѓар соопшти дека засега не се познати причините за падот на авионот. На местото на несреќата се упатил и министерот за одбрана Ромулуш Русин-Сенди, додека е започната истрага за околностите под кои дошло до инцидентот.

— реклама —

Министерот за одбрана изјавил дека пилотот не бил повреден при падот и дека направил сè што можел авионот да се урне на безбедна и ненаселена локација.

— реклама —

Унгарската Национална служба за итна медицинска помош соопштила дека состојбата на пилотот е стабилна. Тој со хеликоптер бил пренесен во болница на дополнително набљудување.

— реклама —

При падот на авионот, според досегашните информации, нема повредени лица, ниту е причинета штета на цивилната инфраструктура.