Се урна хеликоптер на француската жандармерија, има загинати

Хеликоптер на француската Национална жандармерија, кој бил ангажиран во оперативна мисија, се урнал во попладневните часови во регионот Лоара, јавуваат француските медиуми.

— реклама —

Според извор близок до истрагата, за весникот „Фигаро“ било посочено дека постојат сомневања оти во несреќата има неколку загинати лица, иако официјалниот број на жртви сè уште не е соопштен.

— реклама —

— реклама —

Несреќата, чии околности засега не се познати, се случила во општината Сили-сир-Лоар, која се наоѓа меѓу градовите Жиен и Орлеан во централниот дел на Франција.

Надлежните служби започнале истрага за утврдување на причините за падот на леталото.