Полицијата врши претрес во домот на родителите на Бојан Јовановски познат како Боки 13, во скопската населба Тафталиџе.
Пред семејната куќа на Јовановски има полициско возило.
Попладнево тој беше уапсен на граничниот премин по налог на Јавното обвинителство Скопје.
Боки 13 заедно со Зоран Милевски се осомничени за кривично делo „Примање награда за протизаконито влијание“, а Јовановски се сомничи и за перење пари бидејќи примените парични средства ги пуштил во оптек како легално стекнати.
За двајцата до судија за претходна постапка е поднесено барање за определување мерка притвор.
