Седум маскирани мажи упаднале во винарија и украле два камиона со вино

— реклама —

Два камиона натоварени со скапоцени тоскански вина биле украдени од магацин на познатата италијанска семејна винарија „Марчези Антинори“. Од компанијата сметаат дека станува збор за најголемата кражба на вино од ваков вид во Италија.

Кражбата се случила во саботата во Тоскана, додека винаријата се подготвувала да испрати пратка до клиенти во странство.

— реклама —

Според првичните информации, најмалку седум маскирани мажи ги деактивирале алармните системи и ги исклучиле безбедносните камери, по што ги натовариле камионите со вина од познатите брендови „Тињанело“, „Солаја“ и „Гвадо ал Тасо“.

— реклама —

Извршниот директор, Котарела, изјавил дека станува збор за најголемата кражба од ваков вид во Италија. Засега не се објавени податоци за вредноста на украденото вино ниту информации за можни осомничени.

„Марчези Антинори“ е една од најпознатите семејни винарии во Италија, со долга традиција во производството на вино. Нејзините тоскански вина се познати и на меѓународниот пазар.