Седум возачи приведени за 24 часа: Возеле пијани, без дозвола или со активна забрана

Седум возачи биле лишени од слобода во текот на изминатото деноноќие на различни локации низ државата поради сторено кривично дело „безобѕирно управување со моторно возило“, согласно член 297-а од Кривичниот законик, информира Министерството за внатрешни работи.

— реклама —

Од приведените, тројца управувале моторно возило без положен возачки испит. Станува збор за Х.И. (39) од Велес, С.Ш. (36) од Куманово и А.Ш. (25) од селото Селце.

Двајца возачи биле фатени како управуваат возило под дејство на алкохол. Тоа се З.С. (43) од Куманово и З.З. (63) од Велес.

— реклама —

Дополнително, двајца возачи управувале моторно возило и покрај тоа што имале активна забрана за управување. Станува збор за К.Е. (49) од селото Ѓурѓевиште, гостиварско, и Р.С. (47) од Кавадарци.

— реклама —

Од МВР информираат дека по целосно документирање на случаите ќе бидат поднесени соодветни кривични пријави.

Министерството апелира до сите учесници во сообраќајот доследно да ги почитуваат сообраќајните правила и прописи и да не управуваат возило без положен возачки испит, под дејство на алкохол или додека имаат активна забрана за управување.

Од МВР предупредуваат дека непочитувањето на правилата ја загрозува безбедноста на сите учесници во сообраќајот и повикуваат на одговорно однесување за побезбедни патишта и заштита на човечките животи.