Седум возачи уапсени за безобѕирно управување, петмина возеле без возачка дозвола

Седум возачи биле лишени од слобода во текот на изминатото деноноќие на различни локации низ државата поради сомнение за сторено кривично дело „безобѕирно управување возило“, казниво според член 297-а од Кривичниот законик, соопшти Министерството за внатрешни работи.

— реклама —

Петмина од нив управувале возило без положен возачки испит. Станува збор за 18-годишниот А.А. од Скопје, 17-годишник од селото Сарај, 40-годишниот М.Р. од селото Радуша, скопско, 29-годишниот И.Б. од селото Стримница, тетовско, и 31-годишниот А.Т. од Кичево.

— реклама —

— реклама —

Другите двајца возачи биле под дејство на алкохол. Станува збор за 54-годишниот Л.М. од селото Љубодраг, кумановско, и 63-годишниот М.Н. од Скопје.

— реклама —

Од МВР информираат дека по целосното документирање на случаите ќе бидат поднесени соодветни кривични пријави.