Русија во војната во Украина претрпела „луди загуби“, со околу 65.000 војници во последните два месеци, изјави генералниот секретар на НАТО, Марк Руте, на Минхенската безбедносна конференција.
Тој посочи дека приходите на Русија од нафта се намалиле за една третина и дека земјата забрзано го троши државниот фонд. Според него, Алијансата е доволно силна и Москва во моментов не би се осмелила да ја нападне.
„Ќе победиме во секоја борба со Русија ако нè нападнат сега и мораме да се погрижиме и за две, четири или шест години да биде така“, изјави Руте на тркалезна маса со новинарите.
