Селекторот на Аргентина: Меси ќе игра колку што самиот ќе посака

Селекторот на аргентинската репрезентација, Лионел Скалони, испрати јасна порака за улогата на Лионел Меси во националниот тим пред почетокот на Светското првенство, истакнувајќи дека капитенот ќе остане на теренот онолку долго колку што самиот ќе одлучи.

— реклама —

По загриженоста околу неговата подготвеност поради повреда на мускулот, Меси ги отстрани сите дилеми со настапот на пријателскиот натпревар против Замбија, на кој постигна гол и најави дека е подготвен за мундијалските предизвици.

— реклама —

Говорејќи по натпреварот, Скалони нагласи дека никого не треба да изненадува што Меси настапува на своето шесто Светско првенство.

— реклама —

„Лео ќе игра онолку колку што самиот ќе посака, затоа што сите добро ги знаеме неговите можности. Никого не треба да го изненадува тоа што е дел од своето шесто Светско првенство. Она што навистина изненадува е фактот дека со репрезентацијата освои само четири трофеи. Беше многу блиску да освои уште две Копа Америка и уште една светска титула“, изјави Скалони.

— реклама —

Аргентина влегува на Мундијалот со големи амбиции, а Меси и понатаму останува главната фигура во тимот и покрај годините и долгата кариера на највисоко ниво.