Данил Медведев доживеа сензационална елиминација уште во првото коло на Ролан Гарос, откако загуби од Австралиецот Адам Волтон по голема борба во пет сета.
Рускиот тенисер, кој важеше за голем фаворит, беше поразен по три часа и 22 минути игра со 3-2 во сетови, односно 6:2, 1:6, 6:1, 1:6, 6:4.
Волтон, кој е 97. тенисер на светот, одлично го отвори натпреварот и во првиот сет му препушти на Медведев само два гема.
Русинот возврати убедливо во вториот сет и израмни, но Австралиецот повторно доминираше во третиот сет, кој го доби со 6:1 и поведе со 2-1.
Медведев идентично одговори во четвртиот сет, па победникот беше решен во драматичниот петти сет.
По сигурниот почеток на двајцата тенисери, Медведев направи брејк и поведе со 2:1, но предноста брзо ја испушти. Волтон возврати со брејк во осмиот гем за 4:4, а потоа ги доби и следните два гема за голема сензација во Париз.
Во второто коло Волтон ќе игра против Закари Свајда, кој претходно го совлада Алексеј Попирин.
