Со цел културата и туризмот повторно да станат стратешки двигатели во развојот на државата, Владата предводена од ВМРО-ДПМНЕ успеа да ја стабилизира состојбата, да спроведе клучни системски реформи и да реализира значајни инвестиции, вели Велика Стојкова Серафимовска, пратеник на ВМРО-ДПМНЕ.
„Наместо краткорочни и непромислени решенија, во изминативе две години Владата на ВМРО-ДПМНЕ се фокусираше на воспоставување системски пристап во управувањето со културата и тоа преку стратешко планирање, започнување на законски реформи, финансиска стабилизација и капитални инвестиции.
По преземањето на одговорноста за раководење со Владата во 2024 година, беше наследен институционален систем во културата без јасни стратешки насоки и дополнително, долг од 273 милиони денари по основ на неисплатени плати во националните и локалните установи.
Веќе со првиот ребаланс беа обезбедени средства за сервисирање на наследените обврски, како и дополнителни 71 милион денари за програмски активности и над 78 милиони денари за инфраструктурни проекти во општините.
Паралелно започна системско решавање на долгогодишните проблеми во културата и туризмот. Изготвена е длабинска анализа за рационализација на националните установи и преземени се конкретни чекори за спроведување на реформските приоритети.
Започната е имплементацијата на Законот за употреба на македонскиот јазик. Основани се Инспекторатот и Советот за македонски јазик, а во тек е и изработката на Стратегијата за употреба на македонскиот јазик.
Воедно, се финализираат подготовките за отворање на музеите на Скопско Кале - процес кој беше целосно запрен од претходната влада, а деблокирани се и повеќе национални и меѓународни проекти во областа на културното наследство.
За првпат е воведен моделот на делегиран буџет во националните установи, кој годинава се применува во 28 институции, овозможувајќи поголема автономија, подобро планирање и поефикасно управување со јавните средства.
Во изминатите две години за првпат е воспоставен и отворен конкурс за мобилност, преку кој македонските културни работници се усовршуваат во престижни академски и културни институции во странство. Воедно, реализирани се 320 нови вработувања и 35 унапредувања во националните установи.
Со овие мерки и активности Владата покажа дека со визија, одговорност и системски пристап се поставуваат цврсти темели за долгорочен развој на културата и туризмот. Тоа е доказ дека со одговорно управување, јасна визија и домаќински однос кон јавните средства, културата повторно станува еден од двигателите на општествениот и националниот развој“, додава таа.
