Грчките власти соопштија дека се завршени сите административни процедури за влез на американската енергетска компанија Шеврон во Блок 10 во заливот Кипарисија, западно од Пелопонез.
Соопштението во понеделник го дадоа Ставрос Папаставру и Аристофанис Стефатос, потврдувајќи дека регулаторниот процес за учество на компанијата е целосно финализиран.
Делегација на Шеврон пристигна во Атина во понеделник за завршување на договорот.
Блок 10, кој се наоѓа во јужниот дел на Јонското Море кај заливот Кипарисија, претходно беше под концесија на Helleniq Energy, која пренесе 70 отсто од уделот на Шеврон по заедничко барање за учество во концесијата.
Министерот за животна средина и енергетика, Папаставру изјави дека по барањето на американскиот енергетски гигант да се приклучи на истражувањата за јаглеводороди, „процедурите се завршени“, со што Шеврон го проширува своето присуство на петти офшор блок во Грција. Шеврон и Helleniq Energy веќе имаат потпишано договори за уште четири морски подрачја јужно од Крит и Пелопонез.
Министерот нагласи дека овој развој ја покажува зголемената меѓународна заинтересираност за грчкиот енергетски сектор и ја поддржува националната стратегија за искористување на јаглеводородните ресурси. Според него, учеството на Шеврон претставува важен чекор кон одговорно искористување на националните ресурси.
Истражувачката програма веќе ги заврши почетните фази, кои опфаќаа геолошки, геофизички и еколошки студии. Конзорциумот сега ќе процени дали да премине во третата фаза, која може да вклучува и истражни дупчења.
Американската амбасадорка во Грција, Кимберли Гилфојл, изјави дека партнерството ја зајакнува регионалната енергетска архитектура и ја позиционира Грција како динамичен регионален енергетски центар.
Извршниот директор на Helleniq Energy, Андреас Сијамисис, изјави дека заедничкото проширување создава многу поголема област за истражување и отвора можности за идни синергии, од истражувањата до евентуалниот развој на наоѓалиштата.
„Шеврон“ ќе бара природен гас во Јонско море
Американскиот енергетски гигант „Шеврон“ поднесе понуда за вклучување во проектот за истражување на природен гас во грчкото подморје, во таканаречениот Блок 10 во Јонското Море, објави „Јуроњуз“. Потегот ја нагласува растечката важност на источниот Медитеран во европската енергетска стратегија и може дополнително да ја зајакне улогата на Грција во енергетската безбедност на регионот.„Шеврон“ бара приклучување кон концесијата за Блок 10, кој се наоѓа во близина на заливот Кипарисија во јужниот де
Свет | пред 2 месеци
