Министерот за правда Јетон Шасивари присуствуваше на приемот организиран од претседателот на Собранието, Африм Гаши, по повод 8 Септември – Денот на независноста.
Шасивари порача дека одбележувањето на Денот на независноста е можност да се потсетиме на патот што го изминала државата, но и на одговорноста кон иднината.
„Независноста нè обединува, иднината нè обврзува“, порача министерот.
Тој нагласи дека јакнењето на владеењето на правото, независноста на институциите и заштитата на правата на граѓаните остануваат клучни за градењето стабилно и праведно општество.
Според Шасивари, 8 Септември е ден кога се слави слободата самостојно да се определува иднината, но и потсетник дека секоја генерација има обврска да ја направи државата посилна, поправедна и подобра за идните генерации.
Тој повика на зачувување на темелите на независноста и создавање институции во кои граѓаните ќе имаат доверба.
