Шасивари се сретна со министерката за правда на Косово во Будва

Министерот за правда Јетон Шасивари оствари средба со министерката за правда на Косово, Доника Грвала, на која беше потврдена заедничката определба за продлабочување на институционалната соработка и унапредување на правосудниот систем.

— реклама —

Средбата се одржа во Будва, Црна Гора, во рамките на Министерскиот форум ЕУ – Западен Балкан за правда и внатрешни работи.

— реклама —

Во разговорите биле разменети мислења и искуства за зајакнување на владеењето на правото, борбата против корупцијата и спроведувањето реформи во согласност со европските стандарди.

— реклама —

Шасивари истакнал дека Косово е важен и близок партнер на Македонија, нагласувајќи дека традиционално добрите односи претставуваат цврста основа за натамошно унапредување на соработката меѓу двете министерства.

— реклама —

Двете страни ја истакнале потребата од континуирана и конкретна соработка насочена кон резултати, која ќе придонесе за поефикасни институции, посилно владеење на правото и поголема доверба на граѓаните во правосудството.