Шасивари се сретна со турскиот министер за правда Ѓурлек во Истанбул

Министерот за правда Јетон Шасивари оствари билатерална средба со турскиот министер за правда Акин Ѓурлек во Истанбул, на маргините на Меѓународниот самит за правда.

— реклама —

На средбата биле разменети мислења за актуелните предизвици во правосудството, реформските процеси и можностите за натамошно унапредување на соработката меѓу Македонија и Турција.

— реклама —

Посебно внимание било посветено на значењето на институционалниот дијалог, размената на искуства и добри практики, како и на улогата на меѓународната соработка во зајакнувањето на владеењето на правото и ефикасноста на правосудните системи.

— реклама —

Шасивари ја истакнал важноста на партнерските односи со Турција и подготвеноста за продолжување на соработката во областите од заеднички интерес.

Средбата се одржа во рамките на учеството на Шасивари на Меѓународниот самит за правда во Истанбул, кој ги обединува министрите за правда и високи претставници од повеќе земји, со цел размена на искуства и унапредување на меѓународната правосудна соработка.